குறிப்புக்கள் - (Notes)
வேறுபாடுகள் - (Pathanthara)
² - நன்னு - நின்னு - இவ்விடத்தில் 'நன்னு' பொருந்தும்.
⁴ - ஏலுகொந்தா₃மனி - ஏலுகொந்து₃மனி - சொற்களின் கோர்வையை நோக்குகையில் 'ஏலுகொந்தா₃மனி' இவ்விடத்தில் பொருந்தும்.
Top

மேற்கோள்கள்
³ - விட₃னாடு₃தா₃மனோ - கைவிடுவோமென்றோ - 'கா₃ரவிம்ப ராதா₃' எனும் 'க₄ண்டா' ராக பாடலில் - 'தான் கைப்பிடித்த மனைவியின் உருவம் எப்படியிருந்தாலும், அவள் பண்புடையவளாயிருந்தால் அவளைக் கைவிடமாட்டார்' என்கிறார் தியாகராஜர்.
Top

விளக்கம்
¹ செயி பட்டிதிவே - கைப்பற்றினாயே - 'மணந்தாயே' என்றும் கொள்ளலாம். இப்பாடல், இறைவனை கணவனாக பாவித்து வழிபடும் முறைமையில் அமைந்துள்ளது. 'நாரத பக்தி சூத்திர'த்தில் இவ்வகையான காதலுக்கு 'காந்தாஸக்தி' எனறு கூறப்படும். ஆண்டாளும், மீராவும் இங்ஙனமே வழிபட்டனர்.
⁵ - கு₃ட்டு - பொதுவாக இச்சொல்லுக்கு 'ரகசியம்' என்று பொருள். ஆனால் 'மானம்', 'மதிப்பு' என்றும் பொருளுண்டு. இதற்கடுத்து வரும் 'ப்₃ரோவவே' - காப்பாய் - என்ற சொல்லினால், இங்கு 'ரகசியம்' என்ற பொருள் பொருந்தாது. அதனால் 'மானத்தைக் காப்பாய்' என மொழிபெயர்க்கப்பட்டது.

ஊழியங்கள் - இறைவன் தொண்டு
Top